ბუსკეტსი: მოედანზე გვეძინა

"ლევანტესთან" მარცხის შემდეგ კომენტარი სერხიო ბუსკეტსმა გააკეთა, რომელიც ამ მატჩში "ბარსელონას" კაპიტანი იყო. 

"კოუტინიოს გოლის წყალობით, ბრძოლა გრძელდება. მეორე ტაიმში თამაშის გათვალისწინებით, ამას ვიმსახურებდით, პირველ ნახევარში კი მოედანზე დაძინებულები გავედით და მეტოქემ ამით ისარგებლა. 

გოლების შემდეგ "ლევანტემ" მოუკლო. საერთო ჯამში, "ბარსელონამ" უკეთესად ითამაშა, თუმცა პირველი წუთების გამო დავისაჯეთ. 

გუნდში დიდი კონკურენციაა და დიდი ხნის შემდეგ დაბრუნება რთულია, რადგან თავდაჯერება და რიტმი დაკარგული გაქვს. მაგრამ, დარწმუნებული ვარ, კოუტინიო დარჩენილ დროში ჩვენს დახმარებას მაინც შეძლებს".