ერნესტო ვალვერდე "ლეგანესთან" მატჩის შემდეგ

"ბარსელონას" მთავარმა მწვრთნელმა, ერნესტო ვალვერდემ, "ლეგანესთან" მატჩის შემდეგ პრესკონფერენცია გამართა.

"სუარესის ეპიზოდის ნახვისთანავე ვიფიქრე, რომ გოლი უნდა ჩათვლილიყო. მეტი რა უნდა ვთქვა? მომენტს ყველა საკუთარი წერტილიდან უყურებს და შესაბამისად, განსხვავებულად ხედავს. ჩემი აზრით კი, გოლი იყო და რადგან მსაჯმა ჩათვალა, იყო კიდეც. 

VAR-ის შემოღება საკამათო ეპიზოდების რაოდენობას არ ამცირებს. სუარესი მეკარეს არ შეხებია და ეს სუფთა გოლი იყო, როგორც როიალი. 

საერთოდ კი, შეცდომები ყოველთვის იქნება. ამას ვერც ვიდეო-რეფერი შეცვლის და ვერც რობოტი რეფერი. 

ფილიპე კოუტინიო კარგად თამაშობს. მას ყოველთვის ბურთის მიღება უნდა. ეს სულ კარგად არ გამოდის, მაგრამ უფრო ხშირად წარმატებულია. გვინდა, მან იმის კეთება განაგრძოს, რასაც ახლა აკეთებს. 

ალენიამ შესანიშნავი მატჩი ჩაატარა, მაგრამ ვფიქრობ, 1:1-ზე ცვლილების გაკეთება სწორი იყო. მესი და რაკიტიჩი ერთად თამაშს მიჩვეულები არიან და როცა თამაშში ცვლილების შეტანაა საჭირო, ფსონს მათზე ვდებთ. 

როცა მესი მოედანზეა, გოლის გატანის ბევრად მეტი შანსი გვექმნება. ის მეორე ტაიმისთვის შემოვინახეთ და საბოლოოდ, ყველაფერი კარგად დასრულდა.