3 "კლასიკო" 25 დღეში

მომდევნო ერთი თვის განმავლობაში "ბარსელონას" საკმაოდ გადატვირთული კალენდარი აქვს. სხვა 5 შეხვედრის გარდა, გუნდი მადრიდის "რეალის" წინააღმდეგ სამჯერ ითამაშებს, თანაც ზედიზედ ორჯერ "სანტიაგო ბერნაბეუზე", ასეთი ფაქტი ისტორიაში პირველად მოხდა. 

პირველი "კლასიკო" 6 თებერვალს გაიმართება და მას "კამპ ნოუ" უმასპინძლებს. განმეორებითი შეხვედრის თარიღი 27 თებერვალია, ამის შემდეგ კი "ელ კლასიკო" უკვე ლა ლიგის ეგიდით, 2 მარტს შედგება. 

"ბარსელონა" "რეალს" ამ სეზონში ერთხელ უკვე შეხვდა და 5-1 დაამარცხა. 

რაც შეეხება სხვა დაპირისპირებებს, თებერვალში, ესპანეთის ჩემპიონატში, ერნესტო ვალვერდეს გუნდი "ვალენსიას", "ბილბაოს", "ვალიადოლიდს" და "სევილიას" ეთამაშება, ჩემპიონთა ლიგაზე კი - "ლიონს".