მარსელინო გარსია: მესი არაორდინალური ფეხბურთელია

"ვალენსიას" მთავარმა მწვრთნელმა, მარსელინო გარსია ტორალმა "ბარსას" ლიდერის, ლიონელ მესის მიმართ საქებარი სიტყვები არ დაიშურა.

"ტაბლოზე 3:1-ის დაფიქსირება შეგვეძლო, მაგრამ მატჩი ფრედ დასრულდა. მესი მხოლოდ მაშინ არ მანერვიულებდა, როცა მოედნის ფარგლებს გარეთ სამედიცინო დახმარებას იღებდა.

ლეო არაორდინალური ფეხბურთელია, რომელსაც შეუძლია გადამწყვეტი როლი ითამაშოს."-ამბობს მარსელინო.

"ბარსელონა" 50 ქულით ლა ლიგის ლიდერია.