"ელ კლასიკოს" წარმატებული დრიბლინგების უცნაური სტატისტიკა

წარმატებული დრიბლინგების რაოდენობით ბოლო სამ "ელ კლასიკოში" ძალზე უჩვეულო სტატისტიკა ფიქსირდება.

უკანასკნელი 3 დაპირისპირებაში ყველაზე მეტი წარმატებული დრიბლინგი, რა თქმა უნდა, ლეო მესიმ განახორციელა (9), ზუსტად იგივე რაოდენობა აქვს სერხი რობერტოსაც, შემდეგ მოდის ივან რაკიტიჩი 6 წარმატებული დრიბლინგით.

აქ ყველაზე უცნაური ისაა, რომ მადრიდის "რეალის" მთელმა გუნდმა ბოლო სამ შეხვედრაში სულ 13 წარმატებული დრიბლინგი განახორციელა.

აქვე იმასაც შეგახსენებთ, რომ უკანასკნელ "კლასიკოზე" ლეო მესის, ტრავმის გამო, უქმობა მოუწია.