"ბარსელონა" რაკიტიჩთან კონტრაქტის გახანგრძლივებას არ აპირებს

"ბარსელონა" გუნდის ნახევარმცველთან, ივან რაკიტიჩთან კონტრაქტის გახანგრძლივებას არ აპირებს, იტყობინება Sport.

გასულ წელს 30 წლის ფეხბურთელის შეძენა "პარი სენ-ჟერმენს" სურდა, რომელიც მზად იყო მისი ხელფასი გაეორმაგებინა. "ლურჯ-ბროწეულისფერთა" მთავარმა მწვრთნელმა, ერნესტო ვალვერდემ კი ხორვატი დარჩენაში დაარწმუნა.

რაკიტიჩმა ჩათვალა, რომ "ბარსელონა" მას ხელფასზე ანალოგიურ შეთავაზებას გაუკეთებდა.

თუმცა, კლუბს მოთამაშის სურვილზე რეაგირება არ ჰქონია. მასთან კონტრაქტის გახანგრძლივება კატალონიელთა გეგმებში არ შედის. რაკიტიჩის მიმდინარე ხელშეკრულება 2021 წლამდეა გათვლილი.

რაკიტიჩს რამდენიმე ევროპული გრანდისგან შემოთავაზება აქვს. მას "ბარსელონაში" დარჩენა უნდა, მაგრამ თუ ხელმძღვანელობა ახალი კონტრაქტის გაფორმებას არ მოისურვებს, მან, შესაძლოა, გუნდიდან წასვლის ვარიანტი განიხილოს.