ერნესტო ვალვერდე "ვილიარეალთან" მატჩის წინ
"ბარსელონას" მთავარმა მწვრთნელმა, ერნესტო ვალვერდემ, "ვილიარეალთან" მატჩის წინ პრესკონფერენცია გამართა და რამდენიმე საინტერესო თემაზე ისაუბრა.
"ლიონელ მესის მსგავსი ფეხბურთელის დასასვენებლად იდეალური დროის შერჩევა შეუძლებელია, მაგრამ ვნახოთ, ხვალ როგორი სიტუაცია იქნება. შეიძლება, მისი დასვენება "ატლეტიკოსთან" მატჩის წინ მიზანშეწონილი იყოს, მაგრამ "ვილიარეალთანაც" ზუსტად იგივე 3 ქულის აღება შეგვიძლია, ამიტომ, ამ მატჩს ნაკლები მნიშვნელობა არ უნდა მივანიჭოთ. ჩვენი მეტოქეები უცდიან, როდის დავკარგავთ ქულებს. თუ ეს მოხდება, მათ იმედები მიეცემათ.
სწორედ ამიტომ, აუცილებლად უნდა მოვიგოთ. გვესმის, რომ ჩემპიონობა ჯერ განაღდებული არ გვაქვს.
"ვილიარეალი" ახლა საუკეთესო მდგომარეობაში არ არის. ისინი "სელტასთან" დამარცხდნენ, თუმცა, როგორც წესი, მათთან ადვილად ვერ ვიგებთ.
ზუსტად ვერ გეტყვით, როდის დაბრუნდება უსმან დემბელე. ჯერ არ ვიცით, მოახერხებს თუ არა ის "მანჩესტერთან" თამაშს.
ტრებლისთვის ვიბრძვით, მაგრამ სეზონის დასრულებამდე ჯერ დიდი დროა და არცერთი ტურნირი არ მოგვიგია. ყველა დარჩენილ შეხვედრას ფინალის მსგავსად მოვეკიდებით". - თქვა ვალვერდემ.
ამ სიახლეზე კომენტარები გათიშულია.
კომენტარები [ 5 ]