სელტა-ბარსელონა - ერნესტო ვალვერდე მატჩის წინ

"ბარსელონას" მთავარმა მწვრთნელმა, ერნესტო ვალვერდემ, "სელტასთან" ხვალ გასამართი მატჩის წინ, ჟურნალისტების კითხვებს პრესკონფერენციაზე უპასუხა.

"ხვალინდელ თამაშს ისე ვუყურებთ, როგორც სხვა დანარჩენებს. ჩვენი მიზანი მორიგი 3 ქულის აღებაა. ისიც სიმართლეა, რომ დატვირთული კალენდარი გვაქვს და როტაციას მივმართავთ.

აშკარაა, რომ "ლივერპულთან" ორმატჩიანი დაპირისპირება ჯერ არ დასრულებულა. კარგი შედეგი დავაფიქსირეთ, მაგრამ ვიცით, რა შეუძლია მეტოქეს. ჩვენ ეს პირველ თამაშშიც ვნახეთ. ახლა "ბალაიდოსზე" ხვალ გასამარათ თამაშზე ვარ კონცენტრირებულნი.

არტური თავს კარგად გრძნობს. ის, დიდი ხნის განმავლობაში, ფიზიკურ მდგომარეობასთან დაკავშირებით პრობლემებს განიცდიდა, მაგრამ ხვალინდელი თამაშისთვის მზადაა.

სერჟი რობერტო ნახევარმცველია, რომელსაც დაცვის მარჯვენა ფლანგზეც ვიყენებთ. მისი უპირატესობა უნივერსალურობაა.

არ ვიცი, არის თუ არა ჩავი ყველა დროის საუკეთესო ესპანელი ფეხბურთელი, მაგრამ ერთ-ერთი საუკეთესო ნამდვილად არის. ის ერთ-ერთი საუკეთესო ნახევარმცველია, რომელსაც პოზიციური თამაში კარგად ესმის და რომელსაც შესანიშნავი პასი აქვს. მისი ფეხბურთი ექსტრაორდინალურია.

რა თქმა უნდა, ჩავი "ბარსას" პროფილის მწვრთნელი იქნება.

კრიტიკა "ლივერპულთან" მატჩში ჩვენს სტილთან დაკავშირებით? სათქმელი არაფერი მაქვს. ჩვენ 3:0 მოვიგეთ, ძალიან ძლიერი სტილი გვაქვს და ამით ვამაყობთ.

ტერ შტეგენს შესანიშნავი სეზონი აქვს. ის განსაკუთრებულ უსაფრთხოებას გვძენს.

მურილიოსა და ბოატენგის ტრანსფერები? უნდა გავითვალისწინოთ, როგორ მდგომარეობაში ვიყავით იმ დროს. მხოლოდ 2 ცენტრალური მცველი გვყავდა. ეს ტრანსფერები სიტუაციაში სასწრაფო ჩარევა იყო.

ლა ლიგის დარჩენილ თამაშებში სილესენს გამოვიყენებ. მისით ძალიან კმაყოფილები ვართ. ის დიდებული მეკარეა.

მალკომი კარგად გამოიყურება თამაშებშიც და ვარჯიშებზეც. მას, სხვებთან შედარებით, ნაკლები შანსი ეძლევა, მაგრამ აქ თამაში რთულია. მან ადაპტაცია კარგად გაიარა და როდესაც შანსი ეძლევა, ის კარგად თამაშობს.

არ ვღელავ იმაზე, როგორ შეაფასებს პრესა ჩვენს სეზონს.

ხვალინდელი თამაშისთვის გუნდის მოტივირება რთული არაა. მოედანზე მოსაგებად გავალთ.

ვფიქრობ, ალენია მზადაა, გუნდში უფრო მნიშვნელოვანი როლი დაიკავეს. გასულ სეზონში ის "ბარსა ბ"-ს საუკეთესო ბომბარდირი იყო და მის პოზიციაზე დიდი კონკურენციის მიუხედავად, ამ ფეხბურთელზე დიდ იმედებს ვამყარებთ."