მოჰამედ სალაჰმა "ბარსასთან" მატჩამდე ორი დღით ადრე ტრავმა მიიღო

იკერ კასილასის პრობლემებს "ბარსელონას" ყოფილი მეკარე ძალიან ემოციური წერილით გამოეხმაურა.

"ძვირფასო იკერ, ძვირფასო მეგობარო.

საფეხბურთო სამყაროში, არც თუ ისე ბევრი ადამიანი ირჩევს მეკარეობას. ზოგმა თავისი უარყოფითი და დადებითი მხარეების თანხლებით ცხოვრება უნდა ისწავლოს.

შენ ხარ და ყოველთვის იქნები კერპი იმათთვის, ვინც მეკარის ხელთათმანებით დაიბადა. კერპი, რომლის მიღწევაც ყველას უნდა. კერპი, რომელსაც ყველა შეჰყურებს და ზუსტად შენს მსგავსად, ვარჯიშებზე, მსოფლიო თასის აწევაზე ოცნებობენ.

შენ ხარ და ყოველთვის იქნები ისეთი, როგორიც ყველა მეკარეს სურს, რომ გახდეს. შენ იქნები ის, ვისაც სხვა ყველა ერთად აღებულზე მაღლა და უფრო დიდხანს ფრენა შეგიძლია, შენ წარმოუდგენლის რეალობად ქცევა შეგიძლია. ყველა შენს ქმედებას იდეალურად აკეთებ, სხვა დანარჩენები კი ერთი ამოსუნთქვით უყურებენ შენს ფანტასტიკურ სეივებს, რომლებიც მხოლოდ შენ გეხერხებოდა. საკუთარ კარს თითქოს რაღაც მაგიის დახმარებით იცავდი, ან ჯადოსნური ჯოხის.

ჩემო ძვირფასო მეგობარო, ძალიან ვღელავდი, როდესაც ამ სიტყვებს ვწერდი და ვიხსენებდი იმ ყველაფერს, რის გამოვლაც მომიწია. ნოსტალგიით დავუბრუნდი ყველა იმ დიდებულ დაპირისპირებას, რომელიც მე და შენ შეგვხვდა გზად. შენი არსებობა ყველაფრის უფრო მეტად დაფასების საბაბს მაძლევდა. შენ არც კი იცი, რამდენს მაძლევდი თუნდაც მხოლოდ ერთობლივი ვარჯიშით, მთელი ქვეყანა ქუჩებში დიდებულად გხვდებოდა.

ძვირფასო იკერ, ძვირფასო მეგობარო, ჩვენ, მეკარეები, უშიშრად ვმოქმედებთ და ეს გამოგვყოფს. ამან ჩვენს ცხოვრებას საფრთხე შემატა, მაგრამ ახლა შენ სეივზე უფრო მეტი განახორციელე. შენი გული, რომელიც ძგერს იმათთვის, ვისაც შენი დონის მიღწევა სურს, თავს გახსენებს და როგორც მეგობარი და მოწინააღმდეგე, მოგიწოდებ, რომ კვლავ ის "თეთრი ლომი" გახდე. ოღონდ, ამჯერად უკვე მოედნის ფარგლებს გარეთ.

ეს არის შენი დანატოვარი, რომელიც გამოგყოფს და ეს უკვე ისტორიის ნაწილია.

ყოველთვის ჩემს ფიქრებში ხარ, მეკარისგან მეკარეს.

ვიქტორ ვალდესი."

უნდა აღინიშნოს, რომ ვალდესისთვის ეს "ინსტაგრამში" პირველი პოსტია და ის რაიმე ინტერვიუს ან შეტყობინებებს საკმაოდ იშვიათად იძლევა.

ბარსასთან რობერტსონმა ვის გაუცვალა მაისური ხომ არ იცით?

გინდ იყოს მაინც ჩვენ გავალთ და ჯობია იყოს რო მერე არ იძახონ აი სალაჰი არ იყო და მსგავსი უაზრობები