ერნესტო ვალვერდე თასის ფინალის წინ
"ბარსელონას" მთავარმა მწვრთნელმა, ერნესტო ვალვერდემ, "ვალენსიასთან" მატჩის წინა პრესკონფერენციაზე ისაუბრა.
"სამსახურში ყოფნაზე ბევრს არ ვფიქრობ, მთავარი გამარჯვებაა.
მწვრთნელის შეცვლა ხშირად განიხილება და ასეთი შემთხვევა წელს მხოლოდ ჩემთან დაკავშირებით არ ყოფილა: "ვალენსიას" და "რეალსაც" რთული მდგომარეობა ჰქონდათ. ეს კარიერის ნაწილია.
არ ვიცი, რა თქვა მესიმ ჩემზე, აქ არ ვყოფილვარ.
სინამდვილეში, ყველანი დამნაშავეები ვართ. იმისთვის, რომ სიტუაცია ვერ შევცვალეთ და მოვლენების ასე განვითარებას ხელი ვერ შევუშალეთ. ამას ვგრძნობთ...
როცა ისეთი რაღაც გემართება, რაც "ლივერპულთან" მოხდა, დაბრუნება რთულია, მაგრამ ახლა ჩვენ ტიტულის მოგების შანსი გვაქვს და ეს უნდა გამოვიყენოთ. ვფიქრობ, ასეთი წარუმატებლობის შემდეგ ამას დიდი მნიშვნელობა ექნება.
შეგვიძლია, სეზონი ისევ დუბლით დავასრულოთ. ზედიზედ ორჯერ ამის გაკეთება სულაც არ არის ისეთი ადვილი, როგორიც ერთი შეხედვითაა". - თქვა ვალვერდემ.
ამ სიახლეზე კომენტარები გათიშულია.
კომენტარები [ 7 ]