ვიდალის ჩილეს მორიგი გამარჯვება [ვიდეო]

ჩილეს ნაკრებმა გვიან ღამით კოპა ამერიკის მეორე ტურის მატჩი ჩაატარა. სალვადორში, რეინალდო რუედას გუნდი ეკვადორს დაუპირისპირდა, რომელმაც წინა შეხვედრა ურუგვაისთან 0-4 წააგო. 

მე-8 წუთზე, ანგარიში ჩილელმა ხოსე ფუენსალიდამ გახსნა, რამდენიმე წუთში კი პენალტით ენერ ვალენსიამ გაათანაბრა. მეორე ტაიმის დასაწყისში, გადამწყვეტი გოლი ალექსის სანჩესმა შეაგდო. 

"ბარსელონას" ნახევარმცველმა, არტურო ვიდალმა, 86-ე წუთზე ყვითელი ბარათი მიიღო, მატჩის ბოლოს კი ის მწვრთნელმა მოედნიდან გაიყვანა. 

[media=https://www.youtube.com/watch?v=XklP0JZJqxU]

C ჯგუფს ჩილე 6 ქულით ლიდერობს, ურუგვაის 4 ქულა აქვს, იაპონიას 1, ეკვადორს კი - 0. 

"ბარსას" ფეხბურთელების მონაწილეობით დღეს კიდევ ერთი თამაში გაიმართება. თბილისის დროით 23 საათზე, პერუ-ბრაზილიის შეხვედრა დაიწყება.