ზუსტად 90 წლის წინ, ლა ლიგის პირველი ჩემპიონი "ბარსა" გახდა

ზუსტად 90 წლის წინ, 1929 წლის 30 ივნისს დასრულდა ესპანეთის ჩემპიონატის ისტორიაში პირველი სეზონი.

პირველი ჩემპიონობა ესპანეთის პრიმერა დივიზიონში კატალონიის "ბარსელონამ" იზეიმა.

მაშინ "ლურჯ-ბროწეულისფერთა" ძირითადი შემადგენლობა ასე გამოიყურებოდა: პლატკო, საურა, აროჩა, პედროლი, კასტილიო, გუზმანი, პიერა, სასტრე, სამიტიერი, გარსია და პარერა.

სეზონის ბოლოს "ბარსელონასა" და "რეალს" ქულების თანაბარი რაოდენობა ჰქონდათ, თუმცა კატალონიელებს რეზერვში "არენას დე გეტჩოსთან" თამაში ჰქონდათ, რომელიც გადადებული იყო.

90 წლის წინ "ბარსელონას" ბასკეთში საჩემპიონო თამაში ჰქონდა, რომელიც მოიგო და ისტორიაში პირველი ესპანური ჩემპიონი გახდა.

მიუხედავად მატჩის დებიუტში ფეხბურთელის ტრავმისა (იმ პერიოდში ფეხბურთში ცვლილებები არ იყო ნებადართული), "ბარსელონა" პირველ ტაიმში მაინც დომინირებდა, ტაიმი ნულოვანი ფრით დასრულდა.

მატჩის მეორე ტაიმში პარერამ 65-ე წუთზე ანგარიში გახსნა და "ბარსა" დააწინაურა, ცოტა ხნის შემდეგ კი დუბლი შეასრულა და საჩემპიონო თამაშის საბოლოო ანგარიში დააფიქსირა (0:2).