"ბარსელონა" გრიზმანს შემდეგ 72 საათში გამოისყიდის

შემდეგ 72 საათში "ბარსელონა" ანტუან გრიზმანის გამოსასყიდ თანხას, 120 მილიონ ევროს გადაიხდის, იტყობინება Sport.

კატალონიური კლუბი ვარჯიშს 14 ივლისს განაახლებს და ფრანგს იმედი აქვს, რომ ამ დროს თავის ახალ თანაგუნდელებთან ერთად იქნება. თუ ეს ყველაფერი ვერ მოხერხდა, ანტუანს პარასკევს "ატლეტიკოს" ვარჯიშზე მისვლა მოუწევს, ამიტომ ზედმეტი პრობლემების თავიდან არიდების მიზნით, "ბარსელონა" დიდი ალბათობით, გრიზმანის ტრანსფერს პარასკევამდე დაასრულებს.