"არსენალი" აპირებს გამპერის თასი კოუტინიოს ტრანსფერისთვის გამოიყენოს
ხვალ, გამპერის თასზე, "ბარსელონა" ლონდონის "არსენალს" უმასპინძლებს. თამაში ამხანაგურია, მაგრამ არის შანსი, რომ ამ დაპირისპირებამ დიდი მნიშვნელობა შეიძინოს.
Sport-ის ცნობით, ლონდონური დელეგაცია კატალონიას არა მხოლოდ ამხანაგურ თამაშზე დასასწრებად ეწვევა. "მეთოფეები" "ბლაუგრანასთან" ფილიპე კოუტინიოს ტრანსფერის თაობაზე მოლაპარაკებებს აპირებენ.
ახლახანს გავრცელდა ინფორმაცია, რომ "ბარსელონა" მზადაა ბრაზილიელი ვარსკვლავი იჯარით გაუშვას, თუ ამ გარიგებიდან 25-30 მილიონ ევროს გამოიმუშავებს. კატალონიელი ჟურნალისტების ცნობით, სწორედ იჯარაზე სურთ საუბარი ლონდონელებს.
"არსენალის" დირექტორი რაულ სანლეჰი წლების განმავლობაში "ბარსელონაში" მუშაობდა და მას კატალონიური კლუბის ხელმძღვანელ პირებთან კარგი ურთიერთობა აქვს. შესაძლოა, ტრანსფერს ხელი ამანაც შეუწყოს.
ამ სიახლეზე კომენტარები გათიშულია.
კომენტარები [ 9 ]