კარლეს ალენია: ადაპტაცია გავიარე და თამაში მინდა

"ბარსელონას" ნახევარმცველმა, კარლეს ალენიამ "ნაპოლისთან" მატჩის შემდეგ კომენტარი გააკეთა.

"გუნდის დღევანდელი თამაშით ძალიან კმაყოფილი ვარ."

"მოედანზე თავს სუპერ კომფორტულად ვგრძნობდი. ფრენკისა და რობერტოს გვერდით თამაში ძალიან მარტივია. ჩვენ ფანტასტიკურად ვითამაშეთ - ეს ლა ლიგის დაწყების წინ დაგვეხმარება."

"უკვე ვთქვი, რომ მინდა, ჩემს კარიერაში ერთი ნაბიჯით წინ წავიწიო. თამაში მინდა, მინდა მატჩები მე დავიწყო. მთავარ გუნდში პირველი სეზონი დავასრულე და ადაპტაცია გავიარე. ნახევარდაცვაში დიდი კონკურენციაა, მაგრამ დარწმუნებული ვარ, ეს წელი ჩემთვის და "ბარსელონასთვის" ძალიან კარგი იქნება." - ციტირებს კარლეს ალენიას სიტყვებს Sport.