"იუვენტუსი" უსმან დემბელეთი დაინტერესდა
ტურინის "იუვენტუსი" "ბარსელონას" ახალგაზრდა ფრანგი შემტევით, უსმან დემბელეთი დაინტერესდა. ამ ინფორმაციას Mundo Deportivo ავრცელებს.
როგორც ცნობილია, "იუვეს" სპორტული დირექტორი ფაბიო პარატიჩი ბარსელონას ეწვია. აქამდე გავრცელებული ინფორმაციით, მხარეები დანიელე რუგანის "ბარსელონაში", ხოლო ხუან მირანდას "იუვენტუსში" გადასვლაზე აწარმოებდნენ მოლაპარაკებებს, თუმცა, ბოლო ცნობებით, განხილვის თემა უსმან დემბელეც იყო.
გავრცელებული ინფორმაციით, "იუვენტუსი" პაულო დიბალას შემცვლელს ეძებს. არგენტინელი კარიერას, სავარაუდოდ, "პარი სენ-ჟერმენში" განაგრძობს. "ბებერი სინიორა" მისი შეცვლის ერთ კანდიდატად ნეიმარს განიხილავს, მეორე ვარიანტი კი, როგორც გაირკვა, უსმან დემბელეა.
კატალონიური წყაროს ცნობით, "იუვეს" სურს გარიგებაში მარიო მანჯუკიჩი და დანიელე რუგანიც ჩართოს, რათა დემბელეს ფასი შეამციროს.
დემბელეს "იუვენტუსში" გაშვებასთან დაკავშირებით "ბარსელონას" პოზიციის შესახებ ინფორმაცია არ ვრცელდება.
ამ სიახლეზე კომენტარები გათიშულია.
კომენტარები [ 11 ]