Sport: ყველაფერი "პარი სენ-ჟერმენის" ხელშია

"ბარსელონაში" თვლიან, რომ ამ მომენტისთვის ნეიმარის მომავალი "პარი სენ-ჟერმენზეა" დამოკიდებული, იტყობინება Sport.

პსჟ-მ გადაწყვეტილება უნდა მიიღოს - წინააღმდეგ შემთხვევაში, ტრანსფერი ჩაიშლება. "ბარსელონა" თვლის, რომ პარიზელებმა მეტი მონდომება უნდა გამოიჩინონ დემბელეს დარწმუნებაში, რომელსაც "პარი სენ-ჟერმენში" გადასვლა არ სურს. აქამდე, მასზე ზეწოლას მხოლოდ კატალონიელები ახდენენ, მაგრამ უშედეგოდ.

კატალონიური გამოცემის ცნობით, ბართომეუ დანებებას არ აპირებს. Sport ირწმუნება, რომ სატრანსფერო ფანჯრის დახურვამდე ყველაფერი შეიძლება მოხდეს.