"ბარსელონას" განაცხადი ჩემპიონთა ლიგისთვის

"ბარსელონამ" 2019/20 წლების სეზონის ჩემპიონთა ლიგისთვის შემადგენლობა უკვე დაარეგისტრირა. 

განაცხადში ძირითადი გუნდის ყველა ფეხბურთელი შედის, მათთან ერთად კი ახალგაზრდული შემადგენლობის სამი მოთამაშე: ჰიროკი აბე, რონალდ არაუხო და ფერან სარსანედასი. აბე 37 ნომრით ითამაშებს, არაუხო 33-ით, სარსანედასი კი - 34. 

რაც შეეხება ახალგაზრდული გუნდის სხვა წევრებს, მათ შორის კარლეს პერესს, რიკი პუჩს და ანსუ ფატის (ფატი U19 გუნდიდან "ბარსა ბ"-ში ოფიციალურად ჯერ არ დაუწინაურებიათ), მათი გამოძახება მთავარ მწვრთნელს უშუალოდ ტურნირის მატჩებამდე ერთი დღით ადრე შეეძლება. ეს მოთამაშეები შემდეგ მოთხოვნებს უნდა აკმაყოფილებდნენ: იყვნენ 21 წელზე ნაკლების და კლუბის აკადემიის სისტემაში 3 წელზე მეტი ჰქონდეთ გატარებული.