კრიშტიანუ რონალდუ: მესიზე მეტი "ოქროს ბურთი" დავიმსახურე
ტურინის "იუვენტუსის" პორტუგალიელმა ვარკვლავმა, კრიშტიანუ რონალდუმ ლეო მესიზე მორიგი კომენტარი გააკეთა და რა თქმა უნდა, პრესის ყურადღება კიდევ ერთხელ მიიქცია.
ITV-სთვის მიცემული ინტერვიუს დროს, პირს მორგანმა რონალდუს ჰკითხა, დაიმსახურა თუ არა მან ლეო მესიზე მეტი "ოქროს ბურთი", რაზეც პორტუგალიელმა ასე უპასუხა: "გამიხაარდება, თუ ეს მოხდება და ვფიქრობ, რომ დავიმსახურე.
მესი ფანტასტიკური ადამიანი და ფანტასტიკური ფეხბურთელია. ის ფეხბურთის ისტორიაში შევიდა, მაგრამ მიმაჩნია, რომ მე ეს ჯილდო 6-ჯერ, 7-ჯერ ან 8-ჯერ უნდა მქონდეს მოგებული და მასზე წინ უნდა ვიყო.
მე და მესი მეგობრები არ ვართ, მაგრამ პირველობისთვის 15 წელია ვიბრძვით. მასთან კარგი ურთიერთობა მაქვს. ვიცი, რომ მან მიბიძგა უკეთესი ფეხბურთელი გავმხდარიყავი, ისევე, როგორც მე ვუბიძგე მას.
დარწმუნებული ვარ, რომ ფეხბურთის ისტორიაში შევედი და ერთ-ერთი საუკეთესო ვარ. პირადად მე ვფიქრობ, რომ ისტორიაში საუკეთესო ვარ, მაგრამ თუ ვინმე ფიქრობს, რომ საუკეთესო სხვაა და მე მეორე ადგილზე ვარ, ამას მნიშვნელობა არ აქვს.
ვიცი, რომ ფეხბურთის ისტორიაში შევედი, როგორც ერთ-ერთი საუკეთესო."
ამ სიახლეზე კომენტარები გათიშულია.
კომენტარები [ 19 ]