ესპანეთის სუპერ თასის წილისყრის და მატჩების თარიღების შესახებ ოფიციალური ინფორმაცია ცნობილია

ესპანეთის ფეხბურთის ფედერაციამ ოფიციალურად დაადასტურა, რომ ქვეყნის სუპერ თასი ისტორიაში პირველად 4 კლუბის მონაწილეობით გაიმართება. 

ტურნირში მონაწილეობას ესპანეთის მოქმედი ჩემპიონი "ბარსელონა", თასის მფლობელი "ვალენსია", და ლა ლიგაში მეორე და მესამე ადგილებზე გასული "ატლეტიკო" და "რეალი" ითამაშებენ. 

ნახევარფინალები 2020 წლის 8 და 9 იანვარს ჩატარდება, ფინალი კი 12 იანვარს. წილისყრა ორშაბათს შედგება. 

ჯერ ისევ უცნობია, სად გაიმართება შეხვედრები. აქამდე ვრცელდებოდა ინფორმაცია, რომ მატჩები აზიაში ჩატარდებოდა, თუმცა, ფედერაციის ბოლოდროინდელი განცხადებებიდან გამომდინარე, ეს ნაკლებად სავარაუდოა.