კილიან მბაპე: ოქროს ბურთი მესიმ უნდა მოიგოს

"პარი სენ-ჟერმენის" ვარსკვლავი კილიან მბაპე მიიჩნევს, რომ ოქროს ბურთი "ბარსელონას" კაპიტანს, ლიონელ მესის ეკუთვნის. 

ფრანგ ფეხბურთელს Der Spiegel-თან ინტერვიუში ჰკითხეს, ვინ იმსახურებს ყველაზე პრესტიჟულ ინდივიდუალურ ჯილდოს. 

"მესი. ინდივიდუალურად, წელს საუკეთესო ის იყო". - ციტირებს მბაპეს სიტყვებს Goal.com. 

როგორც იცით, არგენტინელს ოქროს ბურთი კარიერაში ხუთჯერ აქვს მოგებული, ასეთი შედეგი კი მხოლოდ კრიშტიანუ რონალდუს აქვს. თუ მესი პრიზს წელსაც მიიღებს, ის ერთპიროვნული ლიდერი გახდება.