ფეხბურთელი, რომელსაც მესიმ 8 თამაშიდან ვერცერთი მოუგო

ლიონელ მესი ოფიციალურადაა აღიარებული მოქმედ საუკეთესო ფეხბურთელად და არგენტინელს ყველა დროის საუკეთესოობაზე პრეტენზია სამართლიანად აქვს. თუმცა, ასეთი მოთამაშის კარიერაშიც კი გამოერევა ერთი მეტოქე, რომელსაც ვერაფრით უგებს.

რა თქმა უნდა, ბევრია ისეთი ფეხბურთელი, რომელთა წინააღმდეგაც ლეოს უთამაშია და ვერ მოუგია. თუმცა, უმეტეს შემთხვევაში, დაპირისპირება 2-3 მატჩს ითვლის.

არსებობს ერთი მოთამაშე, რომლის მიერ ლიონელ მესის წინააღმდეგ ნაჩვენები შედეგი მხოლოდ აღფრთოვანებას იწვევს - 8 თამაში და არცერთი წაგება. ეს ფეხბურთელია მიკაელ ესიენი, რომელიც "ჩელსისა" და "რეალის" მაისურით არგენტინელს 8 ჯერ დაუპირისპირდა, აქედან მისმა გუნდებმა 3-ჯერ მოიგეს, ხოლო 5 შეხვედრა ფრედ დასრულდა.

ესიენი უკვე 37 წლისაა და აზერბაიჯანის ჩემპიონატში თამაშობს. ეს ნიშნავს, რომ ძალიან მცირეა იმის შანსი, მესი მას ოფიციალურ მატჩში კიდევ შეხვდეს და სტატისტიკა გაიუმჯობესოს.

კიდევ ერთი ფეხბურთელი, რომელსაც ლიონელ მესის წინააღმდეგ ძალიან კარგი შედეგი აქვს, ეშლი კოულია - 5 თამაშში 2 მოგება და 3 ფრე. ლეო ვერც ამ შედეგს გააუმჯობესებს, რადგან ინგლისელმა მარცხენა მცველმა კარიერა უკვე დაასრულა.