ერნესტო ვალვერდე: ანსუ ფატი გოლეადორადაა დაბადებული
ერნესტო ვალვერდემ, "ინტერთან" გუშინ გამართული თამაშის (1-2) შემდეგ, გოლის ახალგაზრდა ავტორებზე, ანსუ ფატისა და კარლეს პერესზე ისაუბრა.
"საუბარი ორ ფეხბურთელზე გვაქვს, რომლებიც პირველ გუნდს მიმდინარე წელს შემოუერთდნენ. ისინი ახალგაზრდები არიან, ანსუ ფატი კი ძალიან ახალგაზრდაა.
მეტოქეს გამოცდილი დაცვა ჰყავდა, რომლის წინააღმდეგ გატანაც რთულია, მაგრამ კარლეს პერესს აქვს ტალანტი, რომლის წყალობითაც ის გოლის გატანას ადვილად ახერხებს. ანსუ ფატი კი გოლეადორადაა დაბადებული. მან მოედანზე შესვლისთანავე გაიტანა. ახლა ის ჩემპიონთა ლიგის ისტორიაში ყველაზე ახალგაზრდა გოლის გამტანია.
გვიხარია, რომ ტურნირის რეკორდსმენი ჩვენი ახალგაზრდა ფეხბურთელია და ისიც, რომ თამაშს აკადემიის აღზრდილი ახალგაზრდა ფეხბურთელების გოლებით ვიგებთ." - ციტირებს "ბარსელონას" დამრიგებლის სიტყვებს Marca.
ამ სიახლეზე კომენტარები გათიშულია.
კომენტარები [ 6 ]