"ბარსელონა" დე ლიხტის 2020 წელს ყიდვას არ აპირებს

კატალონიური Mundo Deportivo-ს მიერ გავრცელებული ინფორმაციით, "ბარსელონა" "იუვენტუსის" ახალგაზრდა ჰოლანდიელი მცველის, მატიას დე ლიხტის უახლოეს მომავალში შეძენის საკითხს არ განიხილავს.

გასულ ზაფხულში, 19 წლის ცენტრალური მცველი "ბარსელონას" ერთ-ერთი მთავარი სამიზნე იყო, მაგრამ "აიაქსის" კაპიტანმა "ბლაუგრანას" "იუვენტუსი" ამჯობინა.

მიმდინარე სეზონში, დე ლიხტის საქმეები კარგად ნამდვილად არ მიდის. მან ტურინულ გუნდში ადაპტაცია ვერაფრით გაიარა. ჯორჯო კიელინის ტრავმის გამო, ახალგაზრდა ჰოლანდიელს თავის გამოჩენის შანსი არაერთხელ მიეცა, მაგრამ არაერთი შეცდომის დაშვების გამო, მან, ბოლო 3 მატჩში, სასტარტო შემადგენლობაში ადგილი 21 წლის მეჰდი დემირელს დაუთმო.

დე ლიხტის "იუვენტუსიდან" "ბარსელონაში" შესაძლო გადასვლის საკითხი ჯერ კიდევ ზაფხულში განიხილებოდა, ტურინული წარუმატებლობის შემდეგ კი, ჭორების გავრცელებამ იმატა. თუმცა, კატალონიური პრესის ცნობით, "ბლაუგრანა" ჰოლანდიელის 2020 წელს დამატებით დაინტერესებული არ იქნება.

ცნობილია, რომ 2020 და 2021 წელს დე ლიხტის გამოსასყიდი თანხა 150 მილიონი ევრო იქნება.