მიზეზები, რომელთა გამოც მატიას დე ლიხტი "ბარსელონაში" არ გადმოვიდა

მატიას დე ლიხტის აგენტი მინო რაიოლა საუბრობს მიზეზებზე, რომელთა გამოც მისი კლიენტი "ბარსელონაში" არ გადავიდა.

გასულ ზაფხულში, ჯერ კიდევ "აიაქსში" მოთამაშე 19 წლის ვარსკვლავი კატალონიელთა ერთ-ერთი მთავარი სამიზნე იყო. "ბლაუგრანამ" მისი ყოფილი თანაგუნდელი ფრენკი დე იონგი დაიმატა, მაგრამ დე ლიხტისთვის ბრძოლა "იუვენტუსთან" წააგო.

"რატომ არ გადავიდა დე ლიხტი "ბარსელონაში"? კატალონიელებმა იფიქრეს, რომ ეს მარტივი იქნებოდა, რადგან მატიასი "აიაქსიდან" მოდიოდა, მათ ფრენკი დე იონგი უკვე გაფორმებული ჰყავდათ და დე ლიხტსაც მარტივად გადაიბირებდნენ. ასე ფიქრი სწორი არ იყო. გარდა ამისა, გასათვალისწინებელია პიკეს ფაქტორიც.

ჰოლანდიაში ბევრს მიაჩნია, რომ "ბარსელონა" უცხოური კლუბი არაა. მათთვის, ეს ჰოლანდიური კლუბია და ამის გამო, მატიასი "ბარსაში" უნდა გადასულიყო. თუ ასე არ მოხდებოდა, უცნაური იქნებოდა. მე ასე არ ვფიქრობ." - ციტირებს მინო რაიოლას სიტყვებს ჰოლანდიური VI.