ოფიციალურად: ტერ შტეგენი ხვალ ვერ ითამაშებს, სუპერ თასზე თამაში საეჭვოა

"ბარსელონას" დამრიგებელი ერნესტო ვალვერდე ადასტურებს ინფორმაციას, რომლის თანახმადაც, მარკ-ანდრე ტერ შტეგენი ხვალ, "ესპანიოლთან" გასამართ მატჩში მონაწილეობას ვერ მიიღებს. ვალვერდეს თქმით, დიდი ალბათობით, გერმანელი ვერც ესპანეთის სუპერ თასზე ითამაშებს.

"ტერ შტეგენს გარკვეული პრობლემა უკვე დიდი ხანია აწუხებს. სავარაუდოდ, მას მცირე დროით დავასვენებთ. ის ხვალ არ ითამაშებს და სავარაუდოდ, ვერც ესპანეთის სუპერ თასზე დაგვეხმარება.

ოპერაცია? არ ვიცი, მე ექიმი არ ვარ. ასეთ დონის გართულებამდე ჯერ არ მივსულვართ." - განაცხადა ვალვერდემ დღეს გამართულ პრესკონფერენციაზე.

"ბარსელონა", 4 იანვარს, ლა ლიგაში, "ესპანიოლს" დაუპირისპირდება. 9 იანვარს, ესპანეთის სუპერ თასის 1/2-ფინალში, კატალონიელები "ატლეტიკოს" შეხვდებიან, ხოლო გამარჯვების შემთხვევაში, 12 იანვარს, "რეალს" ან "ვალენსიას".