"ბარსელონა" კშიშტოფ პიონტეკის შეძენას აღარ აპირებს
ზამთრის სატრანსფერო ფანჯრის დასრულებამდე ძალიან ცოტა დრო რჩება, კატალონიელები კი ტრავმირებული ლუის სუარესის შემცვლელს აქტიურად ეძებენ.
ურუგვაელმა ოპერაცია გაიკეთა და გუნდს 4 თვე ვერ დაეხმარება, ამიტომ სეზონის ბოლომდე კლუბს 9-იანის პოზიციის მოთამაშე სჭირდება.
"ბარსელონა" აქტიურად ცდილობს როდრიგო მორენოს შეძენას, თუმცა, ჯერჯერობით, ტრანსფერი არ დადასტურებულა. იმ შემთხვევაში, თუ "ვალენსიასთან" შეთანხმება ვერ განხორციელდება, "ბლაუგრანას" სათადარიგო ვარიანტებიც აქვს. Sport-ის ინფორმაციით, ერთ-ერთ ასეთ ალტერნატივად "მილანის" შემტევი კშიშტოფ პიონტეკი განიხილებოდა.
პიონტეკი მილანურ კლუბს გასულ სეზონში "ჯენოადან" შეუერთდა. ზლატან იბრაჰიმოვოჩის მოსვლის შემდეგ კი, მისი როლი გუნდში შემცირდა.
Sport-ის ცნობით, "ბარსელონას" ხელმძღვანელობა ფიქრობს, რომ პოლონელი არც ისე შესაფერისი კანდიდატურაა. მათ ვიღაც სხვა სურთ.
მიუხედავად "ბარსელონას" უარისა, პიონტეკს შანსი აქვს "ტოტენჰემში" გადავიდეს, თუკი ინგლისელები ვილიან ჟოზეს შეძენას ვერ შეძლებენ.
ამ სიახლეზე კომენტარები გათიშულია.
კომენტარები [ 12 ]