ჟერარ პიკე: ჩემპიონთა ლიგის ფავორიტები არ ვართ, "ლივერპულთან" და "რომასთან" მატჩები არასდროს დაგვავიწყდება
"ბარსელონას" ცენტრალურმა მცველმა, ჟერარ პიკემ, ჩემპიონთა ლიგის 1/8-ფინალში "ნაპოლისთან" ხვალ გასამართი პირველი თამაშის წინ კომენტარი გააკეთა და "ლივერპულთან" და "რომასთან" გამართული მტკივნეული მატჩები გაიხსენა.
"სხვა წლებში ჩემპიონთა ლიგის ამ ეტაპზე გამოვდიოდით და ფავორიტებად ვითვლებოდით. წელს ასე არაა.
წინ ნაბიჯ-ნაბიდ წავალთ. ახლა "ნაპოლისთან" უნდა ვითამაშოთ. უფრო შორს უნდა წავიდეთ, შემდეგ კი ვნახოთ. ბევრი მაგალითი გვაქვს, როდესაც ფლეი ოფში თავს კარგად წარმოვაჩენთ, შემდეგ კი ვმარცხდებით. თამაშიდან თამაშამდე წინ უნდა იარო.
"ლივერპულთან" და "რომასთან" მატჩები არასდროს დაგვავიწყდება. ეს ორი ძალიან მტკივნეული მარცხია ჩვენი ისტორიისა და ფეხბურთელების კარიერისთვისაც. თუმცა, ყველაზე ცუდი მარცხებიდანაც კი უნდა გამოარჩიო დადებითი მომენტები და მომავლისკენ გაიხედო. ვიცით, რომ ეს შეგვიძლია. ყველა სიტუაცია განსხვავებულია, თითოეული ცალკე სამყაროა, მაგრამ რაღაც ვისწავლეთ." - პიკეს ამ სიტყვებს Marca ციტირებს.
ამ სიახლეზე კომენტარები გათიშულია.
კომენტარები [ 11 ]