კიკე სეტიენი "ნაპოლისთან" მატჩის წინ
კიკე სეტიენმა, რომელიც ხვალ "ბარსელონას" მთავარი მწვრთნელის რანგში ჩემპიონთა ლიგაზე პირველ შეხვედრას ჩაატარებს, "ნაპოლისთან" მატჩის წინ პრესკონფერენცია გამართა.
"სიმართლე რომ ვთქვა, "რომასა" და "ლივერპულზე" არც ისე ხშირად ვსაუბრობთ, მაგრამ დარწმუნებული ვარ, რომ ეს ყველას გონებაშია.
ის მატჩები ძალიან რთული იყო. ჩვენი გუნდი ახლა კარგ მდგომარეობაშია. გვჯერა, რომ იმ დონეს შევინარჩუნებთ, რომელსაც ბოლო დროს ვაჩვენებთ.
ჩემპიონთა ლიგაზე ეს ჩემთვის პირველი თამაში იქნება და განსაკუთრებულად მოტივირებული ვარ. მიხარია, რომ კარიერის ამ ეტაპს ვიწყებ სტადიონზე, რომელიც ისტორიითა და გულანთებულობით გამორჩეულია.
მარადონას თამაშის ყურება ყოველთვის მსიამოვნებდა, ისევე როგორც იოჰან კრუიფის. ფეხბურთი მათ შემაყვარეს. რაც შეეხება მესის, ის 14-15 წელია ყოველდღე აკეთებს იმას, რასაც ვხედავ. ასეთი სტაბილური ფეხბურთელი არსად მინახავს. ვფიქრობ, მას სხვებისგან ეს განასხვავებს.
შემიძლია ვთქვა, რომ ლიგის განახლებას კარგ ფორმაში ვხვდებით. მენტალურად კარგ მდგომარეობაში ვართ.
ჩვენ ორ სხვადასხვა ტურნირში ვმონაწილეობთ და ყველა მატჩი ძალიან მნიშვნელოვანია". - თქვა სეტიენმა.
ამ სიახლეზე კომენტარები გათიშულია.
კომენტარები [ 6 ]