რონალდინიო პასპორტის გაყალბების გამო დააკავეს

"ბარსელონასა" და მსოფლიო ფეხბურთის ლეგენდა რონალდინიო, პარაგვაიში, უცნაური მიზეზით დააკავეს. მას ბრალად პასპორტის გაყალბება ედება.

Mundo Deportivo-ს ცნობით, რონალდინიო, ძმასთან ერთად, პარაგვაიში სხვადასხვა, მათ შორის საქველმოქმედო ღონისძიებაში მონაწილეობის მისაღებად მიემგზავრებოდა. საზღვარზე კი გაირკვა, რომ ორივე მათგანს პასპორტი გაყალბებული აქვს.

ყალბი პასპორტის სურათიდან ირკვევა, რომ ყველა მონაცემი სწორია ერთის გარდა - პასპორტში მითითებულია, რომ რონალდინიოს პარაგვაის მოქალაქეობა აქვს.

რონალდინიოს თავისი პასპორტი 2018 წელს ჩამოართვეს.

ამჟამად, ბრაზილიელი ლეგენდა პარაგვაის დედაქალაქში მეთვალყურეობის ქვეშ იმყოფება.