კლემან ლანგლე "მალიორკასთან" ვერ ითამაშებს

ესპანეთის ჩემპიონატის 28-ე ტურში, "ბარსელონა" "მალიორკასთან" მნიშვნელოვანი დანაკლისით ითამაშებს - გუნდის ფრანგი ცენტრალური მცველი, კლემან ლანგლე, დისკვალიფიცირებულია. 

ლანგლემ "სოსიედადთან" მატჩის მე-15 წუთზე ყვითელი ბარათი პორტუს წინააღმდეგ წესების დარღვევისთვის მიიღო. 

დიდი ალბათობით, "სევილიას" ყოფილ მოთამაშეს სამუელ უმტიტი ჩაანაცვლებს, რომელმაც ბოლო ორი თამაში, "რეალთან" და "ნაპოლისთან", სასტარტო შემადგენლობაში დაიწყო; სათადარიგოთა სკამზე კი რონალდ არაუხოს ვიხილავთ.