ესპანეთის გაფართოებულ განაცხადში "ბარსას" 11 ფეხბურთელი შეირჩა
2020 წელს ტოკიოში გასამართი ოლიმპიადისთვის, ესპანეთის ნაკრებმა გაფართეოებული შემადგენლობა გამოაქვეყნა.
Mundo Deportivo-ს ცნობით, ესპანეთის წინასაოლიმპიადე განაცხადში "ბლაუგრანას" 11 ფეხბურთელი მოხვდა.
პირველი გუნდიდან: ჟერარ პიკე, ჟორდი ალბა, ჟუნიორ ფირპო, სერჯი რობერტო, სერხიო ბუსკეცი და ანსუ ფატი.
ბარსა ბ-დან: ინიაკინ პენია, დანი მორე, ხორხე კუენკა, რიკი პუჩი და ალექს კოლიადო.
აღსანიშნავია, რომ რიკი პუჩი, მიუხედავად "ბარსელონას" შემადგენლობაში ჩატარებული მატჩებისა, ეროვნული ნაკრების არც ერთ ახალგაზრდულ გუნდში არ იყო გამოძახებული. ასევე საინტერესოა ის ფაქტიც, თუ რატომ არის არსებულ განაცხადში პიკე. როგორც მოგეხსენებათ, მან გასულ წელს სანაკრებო კარიერის დასრულების შესახებ განაცხადა.
შეგახსენებთ, რომ ოლიმპიადაზე ფეხბურთელების ასაკი 23 წელს ქვემოთ არის ლიმიტირებული, თუმცა თითოეულ ნაკრებს გუნდში 3 უფრო ასაკიანი ფეხბურთელის ყოლის უფლება აქვს.
გამოქვეყნებულ სიაში ასევე ვნახავთ კლუბიდან იჯარის წესით განათხოვრებულ რამდენიმე ფეხბურთელს, მათ შორისაა: კარლეს პერესი, მარკ კუკურელია, აბელ რუისი და ორიოლ ბუსკეტსი.
ამ სიახლეზე კომენტარები გათიშულია.
კომენტარები [ 4 ]