შესაძლოა, ევროპის ჩემპიონატი დეკემბერში გაიმართოს

ევროპის ჩემპიონატის მომდევნო წლის ზაფხულში გადატანა შესაძლოა, ვერ მოხერხდეს. მიზეზს 2021 წლის ივნისში დაგეგმილი მსოფლიოს საკლუბო ჩემპიონატი წარმოადგენს. ინფორმაციას Cadena Ser ავრცელებს.

ევრო 2020-ის გადადება, თითქმის, გარდაუვალია. უეფა, სხვა ორგანიზაციებთან ერთად, ტურნირის ჩასატარებლად ახალი დროის შერჩევაზე მუშაობს. ერთ-ერთი ვარიანტად 2021 წლის ივნისი მოიაზრება, თუმცა, ესპანური გამოცემის მტკიცებით, აღნიშნული იდეის წინააღმდეგ ფიფა მიდის. კერძოდ, 2021 წლის 17 ივნისიდან 4 ივლისამდე, ფიფას მსოფლიოს საკლუბო ჩემპიონატის ახალი ფორმატით ჩატარება აქვს გადაწყვეტილი. მსოფლიო ფეხბურთის მმართველი ორგანო ევრო 2020-ის მიმდინარე წლის დეკემბერში ჩატარებას უჭერს მხარს.

ევროპის ჩემპიონატის გადადებას ღიად დაუჭირეს მხარი იტალიის ფეხბურთის ფედერაციის პრეზიდენტმა, გაბრიელე გრავინამ, და ლა ლიგის პრეზიდენტმა, ხავიერ ტებასმა.