"ბარსელონა" სემედუსა და ფირპოს გაყიდვას გეგმავს

Mundo Deportivo-ს მიერ გავრცელებული ინფორმაციის თანახმად, "ბარსელონა" გუნდის მარჯვენა და მარცხენა მცველების, ნელსონ სემედუსა და ჟუნიორ ფირპოს გასაყიდად მზადაა.

კატალონიური წყაროს ინფორმაციით, "ბარსელონას" სპორტული დირექტორი ერიკ აბიდალი ფირპოს აღარ ენდობა. მისი აზრით, 23 წლის დომენიკელი ფეხბურთელი "ბლაუგრანას" თამაშის ინტენსივობას თავს ვერ ართმევს.

რაც შეეხება სემედუს, მიუხედავად იმისა, რომ ის ამ სეზონში კარგად გამოიყურება, აბიდალი 26 წლის პორტუგალიელზე სამომავლო იმედებს არ ამყარებს.

წყაროს ცნობით, სემედუთი "პარი სენ-ჟერმენი" ინტერესდება, ფირპოს მსურველი კი ჯერ არ გამოჩენილა.

რამდენიმე დღის წინ გავრცელდა ინფორმაცია, რომ კატალონიური კლუბი ზაფხულში ტრანსფერებიდან მინიმუმ 130 მილიონ ევროს გამომუშავებას გეგმავს.