სერჟი რობერტო FIFA20-ს ტურნირზე არ გამოცხადდა

"ბარსელონას" ნახევარმცველმა, სერჟი რობერტომ გუშინ FIFA20-ის ტურნირში მონაწილეობა არ მიიღო. შესაბამისად, მისი ოპონენტი "ეიბარი" გამარჯვებულად დასახელდა.

Sport-ის ინფორმაციით, ფეხბურთელს სურდა, ჩემპიონატში საკუთარი სახელით გასულიყო, თუმცა სპონსორის (ლა ლიგის) მიერ უკვე გაოფიციალებული გახლდათ, რომ ესპანელი "ბლაუგრანას" წარმოადგენდა.

თავის მხრივ, "ბარსელონა" FIFA20-ს ღონისძიებაზე ვერ გამოცხადდებოდა, რადგან კლუბს კონტრაქტი PES-სთან აკავშირებს.

იბაი ლანოს მიერ ორგანიზებული ჩემპიონატი თანხის შეგროვებას ემსახურება, რომელსაც კორონავირუსით დაზარალებულთათვის გამოიყენებენ.