Marca: რუშთუ რეჩბერის მდგომარეობა კრიტიკულია

Marca-ს ცნობით, თურქეთის ნაკრების ლეგენდა და "ბარსელონას" ყოფილი მეკარე რუშთუ რეჩბერი ამჟამად კრიტიკულ მდგომარეობაში იმყოფება.

საქმე ისაა, რომ 46 წლის ვარსკვლავს კორონავირუსის დიაგნოზი რამდენიმე დღის წინ დაუსვეს.

თურქული მედიის ინფორმაციით, ფეხბურთელს COVID-19 მეუღლისგან, ისილისგან გადაედო, რომელსაც ამერიკის შეერთებულ შტატებში მოგზაურობის ისტორია ჰქონდა.

რუშთუ "ბლაუგრანას" 2003 წელს შეუერთდა, თუმცა ტრავმამ არ მისცა საშუალება, პირველ გუნდში ფეხი მოეკიდებინა. რეჩბერმა "ლურჯ-ბროწეულისფერთა" მაისურში მხოლოდ 7 მატჩი ჩაატარა.