დონგ-ბორტი: ფატი "ბარსელონას" ვარსკლავი ლეო მესის წასვლის შემდეგ გახდება

ყოფილმა განელმა ფეხბურთელმა, ბერნარ დონგ-ბორტიმ "ბარსელონას" ამომავალ ვარსკვლავზე, ანსუ ფატიზე ისაუბრა.

"ფატი კარგი ფეხბურთელია, თუმცა დღევანდელ "ბარსელონაში" ლეო მესის აღმერთებენ. ის მხოლოდ მაშინ შეიძლება გახდეს ვარსკვლავი, როცა არგენტინელი კლუბში აღარ იქნება", - ციტირებს განელის სიტყვებს Goal.

ფატი "ბარსელონას" პირველ გუნდში გასული წლის აგვისტოში გამოჩნდა. ის კატალონიური კლუბის ისტორიაში 31 აგვისტოს შევიდა, როდესაც 16 წლის და 304 დღის ასაკში  "ბლაუგრანას" ისტორიაში ყველაზე ახალგაზრდა გამტანი გახდა. 

ჯამში, ანსუმანემ "ბარსას" პირველ გუნდში 24 ჩაატარა და 5 გოლი მიითვალა.

რაც შეეხება ბერნარ დონგ-ბორტის, მან 1999 წელს თავი 17-წლამდელთა მსოფლიო ჩემპიონატზე გამოიჩინა, სადაც ბომბარდირთა დავაში მე-3 ადგილზე გავიდა. მან კარიერა 34 წლის ასაკში დაასრულა.