"ბარსელონაში" კორონავირუსის მესამე შემთხვევა დაფიქსირდა

Mundo Deportivo ავრცელებს ცნობას, რომლის თანახმადაც, კლუბის თანამშრომლებს შორის კორონავირუსის მესამე შემთხვევა გამოვლინდა. ინფიცირებული "ბარსელონას" ვიცე-პრეზიდენტი, ჟორდი კარდონერია.

გამოცემის თქმით, კარდონერის გამოჯანმრთელების პროცესი წარმატებით მიმდინარეობს და იგი საკუთარი უფლებამოსილების განხორციელებას დისტანციურ რეჟიმში აგრძელებს.

მანამდე, COVID-19, "ბარსელონას" სამედიცინო სერვისების ხელმძღვანელს, რამონ კანალსა და, ხელბურთის გუნდის ექიმს, ჟოზეპ ანტონი გუტიერესს დაუდასტურდათ.