Marca: გრიზმანი არ იყიდება

ანტუან გრიზმანი "ბარსელონაში" საკუთარ შესაძლებლობებს ბოლომდე ვერ ავლენს, მისი თამაშით კლუბიც უკმაყოფილოა და თავადაც საკმაოდ თვითკრიტიკულია. გრიზმანმა უკვე ორი მწვრთნელის ხელში მოასწრო თამაში და სხვადასხვა პოზიციებზეც მოისინჯა. ფანებს ჰქონდათ იმედი, რომ ვალვერდეს წასვლის შემდეგ შეძლებდა ათამაშებას, მაგრამ თავდამსხმელმა დიდი ცვლილება ვერ განიცადა.

მიუხედავად ამისა, Marca-ს ინფორმაციით, გრიზმანის ტრანსფერზე დაყენება არ იგეგმება და არც რომელიმე ფეხბურთელში აპირებენ მის გაცვლას.

გრიზმანს "ბარსასთან" კონტრაქტი 2024 წლამდე აკავშირებს. მისთვის პირველი სეზონი რთული გამოდგა, თუმცა ადრეც გვინახავს, რომ რთული ადაპტაციის შემდეგ, ფეხბურთელებს, გუნდის წარმატებაში მნიშვნელოვანი როლი უთამაშიათ.

ჯერჯერობით, ანტუან გრიზმანმა 37 შეხვედრაში 14 გოლი გაიტანა. რაც ცუდი შედეგი ნამდვილად არ არის, მაგრამ მისგან მაინც მეტს ელიან.