დემბელეს იტალიაში იწვევენ, ცნობილია ფასიც
"ბარსელონას" ფრანგი შემტევის, უსმან დემბელეს შეძენით იტალიური გუნდები დაინტერესდნენ. ამ ინფორმაციას La Gazzetta dello Sport ავრცელებს.
მილანური გამოცემის ცნობით, 22 წლის ფეხბურთელის დამატების სურვილს "ინტერი" და "იუვენტუსი " გამოთქვამს. ივარაუდება, რომ სერია A-ს გრანდები "ბარსელონას", ოფიციალური წინადადებით, უახლოეს მომავალში მიმართავენ.
დემბელესადმი "ბარსელონას" დამოკიდებულების შესახებ ურთიერთგამომრიცხავი ცნობები ვრცელდება. ერთი რამ, რაც გადაჭრით შეგვიძლია ვთქვათ, არის ის, რომ ზაფხულში, "ბარსას" შემტევი დატოვებს. ამჟამად, გუნდში ანტუან გრიზმანი, ლიონელ მესი, მარტინ ბრეითუეიტი, ანსუ ფატი, ლუის სუარესი და უსმან დემბელე ირიცხებიან, მომდევნო სეზონიდან კი მათ ფრანსიშკუ ტრინკაუ შეუერთდება. ასევე სერიოზული მუშაობა მიდის ლაუტარო მარტინესისა და ნეიმარის ტრანსფერებზეც. თუ ყველაფერი გეგმის მიხედვით წარიმართა, "ბარსელონას" 9 შემტევი ეყოლება, ამჟამინდელი მდგომარეობით კი - 7. ორივე შემთხვევაში, თავდამსხმელ(ებ)ის გაყიდვა საჭირო იქნება.
La Gazzetta dello Sport-ის ინფორმაციით, დემბელეს, რომელსაც კლუბთან კონტრაქტი 2022 წლამდე აკავშირებს, "ბარსელონა" დაახლოებით 70 მილიონ ევროდ შეელევა.
ამ სიახლეზე კომენტარები გათიშულია.
კომენტარები [ 9 ]