Mirror: "ბარსელონა" პრემიერ ლიგის კლუბებს 9 ფეხბურთელს შესთავაზებს

Mirror-ის ცნობით, სატრანსფერო ფანჯრის დროს, "ბარსელონა" ეცდება, პრემიერ ლიგაში თავისი ცხრა ფეხბურთელი გაყიდოს ან გაანათხოვროს.

თუ ინგლისურ გამოცემას დავუჯერებთ, "ბლაუგრანას", კორონავირუსის მიერ მიყენებული ეკონომიკური ზიანის შესამსუბუქებლად, ტრანსფერებისგან ფინანსური რესურსის მიღება სურს. ხელშეუხებელი მხოლოდ ლიონელ მესია.

"გასაშვებ" ფეხბურთელთა სიაში ანტუან გრიზმანი, ლუის სუარესი, უსმან დემბელე, ივან რაკიტიჩი, არტურო ვიდალი, ნელსონ სემედუ, სერჟი რობერტო, სამუელ უმტიტი და ფილიპე კოუტინიო შედიან, რომელთაც, Mirror-ის თქმით, "ბარსელონა" რამდენიმე ინგლისურ კლუბს შესთავაზებს.