რივალდო: მარტინ ბრეითუეიტი ლუის სუარესს კონკურენციას ვერ გაუწევს

"ბარსელონას" ბრაზილიელმა ლეგენდამ კატალონიური კლუბის ბოლო შენაძენის, მარტინ ბრეითუეიტის მომავალზე კომენტარი გააკეთა. რივალდო მიიჩნევს, რომ დანიელი თავდამსხმელი "ბლაუგრანას" შემადგენლობაში ლუის სუარესის ადგილს ვერ დაიკავებს.

"ფეხბურთელმა, რომელიც "ბარსამ" სუარესის შემცვლელად გაიფორმა, ახლა, შესაძლოა, გუნდში მისი ადგილი დაკარგოს. ბრეითუეიტს სუარესისთვის კონკურენციის გაწევა არ შეუძლია, მაგრამ მან კონცენტრაცია უნდა შეინარჩუნოს და თავდაუზოგავად იმუშაოს, რათა ნებისმიერი შანსი გამოიყენოს.

დარწმუნებული არ ვარ, რომ სუარესი ფორმას სრულად დაიბრუნებს. ამან, შესაძლოა, მარტინს ზოგჯერ სათადარიგო სკამიდან თამაშის საშუალება მისცეს. ეს გადამწყვეტი მომენტი იქნება იმისათვის, რომ მან კლუბის ნდობა მოიპოვოს და გუნდში მომავალ სეზონშიც დარჩეს", - ციტირებს რივალდოს სიტყვებს Betfair.

"ბლაუგრანამ" ბრეითუეიტი, ლუის სუარესისა და უსმან დემბელეს მძიმე ტრავმების გამო, თებერვალში "ლეგანესიდან" 18 მილიონ ევროდ დაიმატა.