კიკე სეტიენი: 5 ცვლილების უფლება ჩვენთვის სასარგებლო არ იქნება
"ბარსელონას" მთავარი მწვრთნელი, კიკე სეტიენი ლას პალმასის Youtube არხთან სეზონის განახლებასა და ცვლილებაზე საუბრობს.
"ვფიქრობ, ჩვენთვის 5 შეცვლის განხორციელება საზიანო იქნება. ვიცით, რომ, შესაძლოა, ბევრი შეხვედრა მატჩის მიწურულს მოვიგოთ - თუ მეტოქეებს ახალი ფეხბურთელების გამოყვანის უფლება ექნებათ, ამის საშუალება არ მოგვეცემა. მეორე მხრივ, რესურსებისთვის, ეს პოზიტიური ასპექტია. ვნახავთ, მოვლენები როგორ განვითარდება.
ვისურვებდი, რომ სავარჯიშოდ მეტი დრო გვქონდეს, თუმცა სეზონი ორ კვირაში განახლდება. ვიმედოვნებ, ტრავმებს თავს ავარიდებთ.
მოთამაშეები მენტალურად კარგ კონდიციებში არიან და სტრესიც აღმოფხვრეს. ახლა ისინი თავს ენერგიულად გრძნობენ და თამაში სურთ. რა თქმა უნდა, უფეხბურთოდ ამდენი ხნის გატარების შემდეგ, ფეხბურთელებს მოტივაცია მოემატათ. ჩემპიონატს დაძაბულები ვიწყებთ, რადგან მწვანე მინდორს 11 დღეში ვუბრუნდებით.
ლეო მესი ძალინ მოტივირებულია. მისი სავარჯიშო სესიებზე ხილვა სიამოვნებაა", - განაცხადა სპეციალისტმა.
შეგახსენებთ, პრიმერა დივიზიონი 11 ივნისს, "სევილია"-"ბეტისის" დერბით განახლდება.
ამ სიახლეზე კომენტარები გათიშულია.
კომენტარები [ 8 ]