კილიან მბაპე - მსოფლიოს ყველაზე ძვირადღირებული მოთამაშე

ორგანიზაცია CIES Football Observatory მსოფლიოს ყველაზე ძვირადღირებული მოთამაშეების რეიტინგს აქვეყნებს. 

აღნიშნულ სიაში ევროპის ტოპ-5 ჩემპიონატის მოთამაშეები მოხვდნენ, მათი სატრანსფერო ფასი კი CIES-ის მეთოდიკითაა გათვლილი. ყველაზე ძვირადღირებულ მოთამაშედ "პარის სენ-ჟერმენის" ფორვარდი - კილიან მბაპე დასახელდა (259,2 მლნ), მეკარეებს შორის ყველაზე ძვირი "სიტის" ბრაზილიელი მეკარე, ედერსონი ღირს (86,8 მლნ), მცველებს შორის ტრენტ ალექსანდრ-არნოლდი (171,1 მლნ), შემტევებს შორის კი მბაპე და რაჰიმ სტერლინგი (194,7 მლნ). 

"ბარსელონას" არგენტინელი შემტევი, ლიონელ მესი, რეიტინგში 21-ე ადგილს იკავებს (100,1 მლნ), ტურინის "იუვენტუსის" ვარსკვლავი, კრიშტიანუ რონალდუ კი 70-ე ადგილზე იმყოფება (62,8 მლნ). 

გთავაზობთ ტოპ-10 მოთამაშეს: 

1. კილიან მბაპე ("პარის სენ-ჟერმენი") - 259,2 მლნ 
2. რაჰიმ სტერლინგი ("სიტი") - 194,7 
3. ჯეიდონ სანჩო ("ბორუსია") - 179,1 
4. ტრენტ ალექსანდრ-არნოლდი - 171,1
5. მარკუს რაშფორდი ("მანჩესტერ იუნაიტედი") - 152,3 
6. მუჰამედ სალაჰი ("ლივერპული") - 144,9 
7. სადიო მანე ("ლივერპული") - 139,2
8. ანტუან გრიზმანი ("ბარსელონა") - 136,4
9. ალფონსო დევისი ("ბაიერნი") - 133,5
10. ჰარი კეინი ("ტოტენჰემი") - 118,7