"ნაპოლის" პრეზიდენტი: იმედი მაქვს, "ბარსელონას" "კამპ ნოუზე" შევხვდებით

"ნაპოლის" პრეზიდენტი აურელიო დე ლაურენტისი იმედოვნებს, რომ მისი გუნდი ჩემპიონათა ლიგის 1/8-ფინალის განმეორებით მატჩში "ბარსელონას" "კამპ ნოუზე" დაუპირისპირდება.

"ნაპოლისა" და "ბარსელონას" შორის პირველი შეხვედრა კორონავირუსის პანდემიამდე "სან პაოლოზე" გაიმართა და 1-1 დასრულდა. ჯერჯერობით, უცნობია, განმეორებითი თამაში "კამპ ნოუზე" ჩატარდება თუ ნეიტრალურ სტადიონზე.

"ბარსელონაში თამაში შეგვიძლია. იმის იმედიც მაქვს, რომ "კამპ ნოუ" აგვისტოსთვის გაიხსნება.

კატალონიის დედაქალაქში შესანიშნავი მატჩი იქნებოდა. 1/4-ფინალების ლისაბონში ჩატარება გადაწყვეტილია", - ციტირებს დე ლაურენტისის სიტყვებს Corriere dello Sport.

რამდეინმე დღის წინ UEFA-მ ჩემპიონთა ლიგის მიმდინარე სეზონის დარჩენილი ნაწილის განახლებული ფორმატი ოფიციალურად დაადასტურა.