მეტი გოლი ნაკლებ დროში - ფატი ვინისიუსზე შედეგიანია

"ვილიარეალთან" შთამბეჭდავი გამარჯვების ერთ-ერთი შემოქმედი ანსუ ფატი იყო.

ესპანელმა მეოთხე გოლით მატჩის საბოლოო ანგარიში დააფიქსირა და "ბარსელონას" ისტორიაში საიუბილეო, მე-9000, გოლის ავტორი გახდა.

მიმდინარე სეზონში ეს ანსუსთვის მე-7 გოლი იყო, რითაც მან მადრიდის "რეალის" გარემარბს, ვინისიუს ჟუნიორს კიდევ უფრო მეტად გაასწრო.

29 თამაშში მოედანზე გატარებულ 1183 წუთში ფატის 6 გოლი ლა ლიგაში, ხოლო 1 - ჩემპიონთა ლიგაზე აქვს გატანილი. მის ანგარიშზე ასევე ერთი საგოლე გადაცემაა, რომელიც დე იონგს გაუკეთა.

რაც შეეხება ვინისიუსს, მას 6-ით მეტ შეხვედრაში აქვს მონაწილეობა მიღებული და ფატიზე 500 წუთითი მეტი აქვს ნათამაშები. ამ პერიოდში მის ანგარიშზე 5 გოლი და 4 ასისტია.

ანსუ ფატისაც და ვინისიუსსაც მომავალში დიდ ფეხბურთელებად გახდომისთვის ყველანაირი შესაძლებლობა აქვთ, თუმცა, წლევანდელი სეზონის მიხედვით, შეგვიძლია თამამად ვთქვათ, რომ კატალონიელი უკეთესად გამოიყურება.