მესის მორიგი რეკორდი - ის, რაც აქამდე არასდროს მომხდარა

"ვალიადოლიდსა" და "ბარსელონას" შორის ამ წუთებში მიმდინარე შეხვედრაში, ანგარიში სტუმარმა გუნდმა მე-15 წუთზე, არტურო ვიდალის ზუსტი დარტყმით გახსნა. ჩილელ ფეხბურთელს საგოლე გადაცემა ლეო მესიმ გაუკეთა.

ესპანეთის ჩემპიონატის მიმდინარე გათამაშებაში, არგენტინელს უკვე 22 გოლი და 20 შედეგიანი პასი დაუგროვდა. ის ლა ლიგის ისტორიაში პირველი ფეხბურთელია, რომელმაც ორივე ამ მაჩვენებელში, ერთ სეზონში, ოცს გადააჭარბა.

ევროპის წამყვან 5 ჩემპიონატში, აქამდე, მსგავსი ფაქტი მხოლოდ ერთხელ იყო დაფიქსირებული, როდესაც ტიერი ანრიმ, პრემიერ ლიგაში, თავი 24 გოლსა და 20 საგოლე გადაცემას მოუყარა.