"ბარსას" ერიკ გარსიას თაობაზე შეთავაზება არ გაუკეთებია

სანდო და ცნობილი ესპანელი ჟურნალისტის, ლუ მარტინის ინფორმაციით, კატალონიის "ბარსელონას" ერიკ გარსიას თაობაზე "მანჩესტერ სიტისათვის" არ მიუმართავს.

ცნობილია, რომ "ქალაქელები" ყოფილ "ლა მასიელს" დიდ მომავალს უწინასწარმეტყველებენ და მის გაშვებას არ აპირებენ.

ესპანელმა უკანახაზელმა "ლურჯ-ბროწეულისფერთა" აკადემიაში 9 წელი გაატარა, 2017 წელს კი ის ინგლისურ კლუბში გადაბარგდა. მან მიმდინარე სეზონში მონაწილეობა 13 შეხვედრაში მიიღო.