დრის მერტენსი ტრავმირებულია

"ნაპოლი"-"უდინეზეს" შეხვედრაში, რომელიც ნეაპოლელებმა 2:1 მოიგეს, დრის მერტნესი 31-ე წუთზე ტრავმის გამო შეცვალეს. ბელგიელმა კუნთის დაზიანება მიიღო და ჯერჯერობით უცნობია, თუ რამდენ ხანს დაჰყოფს ლაზარეთში.

"ბარსელონასთან" შეხვედრამდე 20 დღეა დარჩენილი, გუნდები ერთმანეთს 8 აგვისტოს, "კამპ ნოუზე" დაუპირისპირდებიან.

მერტენსმა მოახლოებულ შეხვედრაზე ისაუბრა.

"ურთულესი შეხვედრა იქნება, რადგან ისინი საკუთარ კედლებში ბრწყინვალედ თამაშობენ" - თქვა ბელგიელმა UEFA-სთან ინტერვიუში.

"ვიცით, რომ მარტივი არ იქნება, მაგრამ საკუთარ ძალებში დარწმუნებულნი ვართ. მათი მთავარი უპირატესობა ის არის, რომ ჩვენ აუცილებლად გოლი გვაქვს გასატანი. როდესაც ამისთვის ამდენი ხნის განმავლობაში ემზადები, ყველაფერი შეიძლება მოხდეს".

ჯენარო გატუზო იმედოვნებს, რომ ბელგიელი თავდამსხმელი, "კამპ ნოუზე" თამაშს შეძლებს, რადგან ის, ნეაპოლელთა შემადგენლობაში, ერთ-ერთი საუკეთესო ფეხბურთელია.