ჯენარო გატუზო "ბარსელონასთან" მატჩს ოპტიმისტური განწყობით უყურებს
"უდინეზესთან" მოპოვებული რთული გამარჯვების შემდეგ, (2-1) "ნაპოლის" მთავარმა მწვრთნელმა, ჯენარო გატუზომ, "ბარსელონასთან" დაპირისპირებაზეც ისაუბრა, რომელიც 8 აგვისტოს "კამპ ნოუზე" გაიმართება.
"სეზონის განახლების შემდეგ ყველაფერი რიგზე გვაქვს. ვიმედოვნებთ, "ბარსელონასთან" მატჩამდე წარმატებით მივალთ. გუნდმა ბევრი რამ ისწავლა, ჩვენ ყოველ სამ დღეში გვიწევდა თამაში და პრაქტიკულად მოსამზადებელი დროც არ გვრჩებოდა, მიუხედავად ამისა, ჩემი გუნდით ყველა შემთხვევაში ვამაყობ. ბოლო მატჩებში ბევრ მომენტებს ვქმნით გოლით კი ცოტას ვასრულებთ, იმედია ჩემპიონთა ლიგაზე ამ კუთხითაც უკეთესობა გვექნება.
მერტენსი? მან დრიბლინგის დროს დისკომფორტი იგრძნო და გადავწყვიტეთ შეგვეცვალა, იმედი მაქვს, მას სერიოზული არაფერი სჭირს." - გატუზოს სიტყვებს Mundo Deportivo ციტირებს.
ამ სიახლეზე კომენტარები გათიშულია.
კომენტარები [ 2 ]